” ကန်ဇွန်းရိုးချဉ်”

Vietnamese ပဲပင်ပေါက်ချဉ်လုပ်နည်းနဲ့ အခြေခံသဘောအတူတူပဲဖြစ်ပါတယ်ရှင်။ ကန်ဇွန်းရိုးချဉ် လုပ်ရန် လိုအပ်တာလေးတွေ…

1. သကြား – 1/3 cup (80 ml)
2. ဆား – 1 1/4 tsp (6.25 ml)
3. အတော်အသင့်နွေးသော ရေနွေး (သို့) ရေကျက်အေး – 1 cup (250 ml)
4. ရှာလကာရည် – 1/3 cup (80 ml)

5. အရိုးရင့်များဖယ်ထုတ်ထားသည့် ကန်ဇွန်းရိုး – 220 g (၁၄ ကျပ်သားခန့်)
6. ၂ ခြမ်းကွဲလှီးကာ အစေ့ထုတ်ထားသော ငရုတ်သီးစိမ်း – ၁၀ တောင့်
7. ပါးပါးလှီးထားသော ကြက်သွန်ဖြူ အတက်ကြီး – ၅ တက်

#. သကြား နှင့် ဆားကို ရေနွေးထဲထည့်ပြီး ပျော်အောင်ဖျော်ကာ အအေးခံထားပါ။ အေးလျှင် ရှာလကာရည်ထည့်ပါ။
ပွက်ပွက်ဆူနေသောရေထဲ ကန်ဇွန်းရိုးများထည့်ချကာ တစ်ချက် နှစ်ချက်မွှေပြီးသည်နှင့် ချက်ချင်းဇကာထဲ လောင်းချ ရေစစ်ပါ။

#. ပြီးသည်နှင့် အရမ်းအေးနေသော ရေခဲရေထဲထည့်ကာ လုံးဝအေးသွားအောင် စိမ်ပါ။အေးသွားလျှင် ဇကာဖြင့်ရေကုန်အောင်စစ်ပြီး ငရုတ်သီးစိမ်း နှင့် ကြက်သွန်ဖြူထည့်ထားသည့် သန့်ပြန်သောဗူးထဲ ကန်ဇွန်းရိုးများ ထည့်ပါ။