စခန်းမှူးရှိ၊မရှိ ဖုန်းဆက်မေးမြန်းပြီး MGN Tiger အဖွဲ့မှ

မြေတော်ရဲကင်းစခန်းအား စခန်းမှူးရှိ၊မရှိ ဖုန်းဆက်မေးမြန်းပြီး MGN Tiger အဖွဲ့မှ သွားရောက်တိုက်ခိုက်ရာ ရဲ ၃ ဦး သေဆုံး

ဧရာဝတီတိုင်းမ်

မေလ ၂၆ ရက်

မကွေးတိုင်းဒေသကြီး၊ ရေစကြိုမြို့နယ်၊ မြေတော်ရဲကင်းစခန်းအား မေလ ၂၃ ရက်နေ့က စခန်းမှူးရှိ၊မရှိ ဖုန်းဆက်မေးမြန်းပြီး MGN Tiger အဖွဲ့မှ သွားရောက်တိုက်ခိုက်ရာ ရဲ ၃ ဦး သေဆုံးကာ ၂ ဦး ဒဏ်ရာရရှိခဲ့ကြောင်း MGN Tiger အဖွဲ့မှ သတင်းထုတ်ပြန်ထားသည်။

” စခန်းမှုးထံ ဖုန်းဆက်မေးမြန်းခဲ့ရာမှာ စခန်းမှူးကစခန်းမှူးမဟုတ်ကြောင်း ပြန်လည်ဖြေကြားသံကြားပြီးနောက် Tiger တို့ ရှိုးဝါးကိုယ်စီဖြင့် ဒုန်းစိုင်းခဲ့ကြရာ စခန်းမှထွက်ခွါသွားချိန်အမှီ မရောက်လိုက်နိုင်ပေသို့ပေမယ့် ဈေးဝယ်ပြန်လာတဲ့ ရဲတပ်ဖွဲ့ဝင် ၇ ယောက်ကို ပစ်ခတ်တိုက်ခိုက်ခဲ့ရာ ၃ ဦး သေတယ်။ ၂ ဦးဒဏ်ရာရတယ် ” ဟု MGN Tiger အဖွဲ့မှ လူမှုကွန်ရက်စာမျက်နှာတွင် ရေးသားဖော်ပြထားသည်။

အဆိုပါ တိုက်ခိုက်မှုကို MGN-Tiger ၊YSO.I S A(ရေလယ်ကျွန်းဒေသ ပြောက်ကြားတပ်)၊Bagan Nyaung Oo PDF၊Black Wolf PDF -Mdy မဟာမိတ်ညီနောင်တို့အတူပူးပေါင်းဆောင်ရွက်ခဲ့ခြင်းဖြစ်ပြီး G3-၂လက်၊G3ကျည် ၃၅ တောင့်၊ လက်ပစ်ဗုံးတစ်လုံး၊ ဖုန်း ၂လုံး နှင့် ငွေ-၃၁၄၅၀ကျပ်တို့ သိမ်းဆည်းရမိခဲ့ကြောင်း MGN Tiger အဖွဲ့၏ သတင်းထုတ်ပြန်ချက်အရ သိရသည်။